45 Бардыгы /

Жалал-Абад облусундагы агроөнөр жай тармагын өнүктүрүү жана айыл чарбасын жаңы деңгээлге көтөрүү багытында жыйын өткөрүлдү.

Айыл чарба министрлигинде өткөн жыйынга Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Торобаев, Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, облустун район акимдери жана айыл чарба тармагындагы жеке ишкерлер катышты.

Жолугушуунун жүрүшүндө облустун айыл чарба тармагындагы мүмкүнчүлүктөрүн кеңейтүү маселелери талкууланды. Мында ыйгарым укуктуу өкүл Тилек Текебаев, климаттын өзгөрүүсүнөн улам адистештирилген айыл чарба өсүмдүктөрүн өстүрүү менен сугат сууну үнөмдөө максатында “бир контур – бир продукт” системасына алып келүү жана азык түлүк коопсуздугун сактоо аракеттеринин маанилүүлүгүнө токтолду. Ага катар айыл чарба тармагын өнүктүрүү боюнча сунуштар, жаңы стратегияларды жана эффективдүү чечимдерди кабыл алуу зарылдыгын белгиледи.

Жыйында жолугушуунун негизги максаты тармакты өнүктүрүү, жергиликтүү айыл чарба өндүрүүчүлөрүнө жана фермерлерге жардам берүү, ошондой эле өз ара кызматташууну чыңдоо болуп саналаары кошумчаланды.