24 Бардыгы /

Ипотекага үй алгандар, батирлерин кайра ижарага беришкен болсо, алардын батирлери кайра кайтарылып алынат, бул тууралуу Президенттин иш башкаруучусу Каныбек Туманбаев билдирди.

“Мамлекеттик ипотекалык компания батирлерди ипотека аркылуу берүүдө негизги принциптерди карманат жана аларды жалаң гана өз үй-жайы жок жарандарга сунуштайбыз. Үлүштүк салым менен катышуу механизми колдонулат, анда батирдин наркынын 50%ын төлөгөн адамдарга берилет. Батирлерди ижарага берүүгө же сатууга тыюу салган нормаларды киргиздик.

Учурда айрым жарандар тарабынан батирлерди ижарага берүү аракеттери байкалганын билип, тиешелүү чараларды көрүп жатабыз.

Учурда ипотекалык компаниянын расмий макулдашуулары жана банктын жол-жоболору аяктай элек, бул батирлерди ижарага берүү мыйзамсыз. Ушул эрежелерди бузгандарга карата мыйзамдуу чаралар көрүлөт. Ипотекалык батирдин толук акысын төлөгөндөн кийин сатабы же ижарага береби үй ээсинин өз эрки болот” – деп баса белгиледи К.Туманбаев.