24 Бардыгы /

Бүгүн Өзгөн райондук мамлекеттик акимчилигинин астына Өзгөн шаарындагы күрүч соодалагандар менен жол боюнда соода-сатык кылгандар наааразычылык акциясына чыгышты.

Өзгөн шаарында күрүч саткандар ар аптанын шаршемби күнү гана соода кылышат. Алар буга дейре автобекеттин ичинде соода калышчуу. Өзгөн шаарынын мэриясы буларды автобекеттен көчүрүү максатында атайын жер ажыратып берген. Бирок, соодагерлер жаңы жайга толук көчүү үчүн жергиликтүү бийликтен дагы эки ай мөөнөт сурап жатышат.

Өзгөн шаарынын мэри Залкарбек Каримов соодагерлерге буга чейин деле убакыт беришкендигин шардана кылды: – Автобекет 2024-жылы биздин балансыбызга толук өткөрүлгөн. Эмит ал жерге жапжаңы жана заманбап автобекет курулат. Мурун менчик кезинде аерде күрүч саткандар отурушчу экен. Аларга биз «Дордой» базарына көчүүнү сунуш эткенбиз. «Күрүчүбүздү сатып бүтөлү» дешкендигинен, буга дагы көнгөнбүз. Эми көчүрүүнү талап этсек, уялбастан дагы убакыт сурап атышат. Районубуздун акими Каныбек Апбасов буларга 1-апрелге дейре мөөнөт койду. Ага көнүшпөсө, баары бир көчүрүлөт. Ал эми жол боюнда соода кылган 100 чакты адамга үч ми сомдн айып пул салдык. Акчасын төлөп коюп эле, кайрадан эски ордуна адытынча чыгып алып жатышат. Бирок. Биз дагы буларды баары бир «Дордойго» сөзсүз жылдырабыз!

Бирок, Өзгөн шаарында күрүч соодалагандар менен жол боюнда соода-сатык кылгандар «Дордой» базарында шарт жана кардар жоктугун айтышып, ал жакка таптакыр көчүшпөй тургандыгын улам-улам эскертип жатышат.

Алишер ТОКСОНБАЕВ, өз кабарчы