36 Бардыгы /

Прокуратура органдарынын приоритеттүү багыттарынын бири болуп саналган, балдар жөнүндө мыйзамдардын аткарылышына Жалал-Абад областынын прокуратура органдары тарабынан өзгөчө көңүл бурулуп, бул жаатта көзөмөл жана профилактикалык иш-чаралар системалуу түрдө жүргүзүлүп келүүдө.

КРдин Башкы прокуратурансынын маалымат кызматы билдиргендей, балдар арасында кылмыштуулуктун, зордук-зомбулуктун алдын-алуу багытында тийиштүү мамлекеттик органдардын ишмердүүлүгүнө текшерүүнү уюштуруу жана жеке прокурорлордун катышуусунда профилактикалык иш-чараларды күчөтүү максатындажыл башынан тартып областтын прокуратура органдары тарабынан 170 мектептин 37 501 окуучулары, 1 369 алардын ата-энелери жана тиешелүү мамлекеттик органдардын өкүлдөрү менен 96 жолу жолугушуу өткөрүлүп, анда балдар арасындагы кылмыштуулуктун, өз өмүрүнө кол салуу фактыларынын, аракечтиктин, баңгиликтин жана үй-бүлөлүк зомбулуктун алдын алууга жана болтурбоого багытталган темаларда түшүндүрүү иштери жүргүзүлдү.

Мындан сырткары, жашоо үчүн турак-жайы жок жетим балдарга мамлекет тарабынан берилген кепилдиктерин аткаруу максатында, Жалал-Абад областынын прокуратура органдары тарабынан келтирилген прокурордук чара көрүү актыларынын негизинде 7 тоголок жетим балага жер тилкелери бөлүп берилип, 1 тоголок жетим бала турак жай менен камсыз болгон.