3 Бардыгы /

Бүгүн, Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын алдында түзүлгөн туризм тармагын өнүктүрүү кеңешинин жыйыны өттү.

Аталган жыйынга Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Урматбек Самаев, район, шаар башчылары жана алардын орун басарлары, туризм жаатында иш алып барган мекеме-уюмдардын жетекчилери катышты.

Жыйында Жалал-Абад облусунун туризм тармагында орун алып жаткан көйгөйлөр, өнүгүү жолунда чогу иш алып баруу багыттары талкууланды.

Ыйгарым укуктуу өкүлдүн орун басары Урматбек Самаев, облус аймактарындагы туристик жайлардын шарттарын жакшыртууда бир катар орчундуу маселелер бар экенин белгиледи.

Алдыдагы убакытта ар бир район, шаардын жетекчилери тармактын ишин жандантуу боюнча натыйжалуу иштөөсү зарылдыгын айтты. Ага катар туристтик жайлардын тазалыгын сактоо, мүмкүнчүлүктөрүн пайдалануу, туристтик бренддерди иштеп чыгуу, өнүктүрүү жана жайылтуу тапшырмасын берди.

Жыйында Жалал-Абад облусунда кышкы туризмди жандантуу, тармак аркылуу жашоочулардын жана жергиликтүү экономиканы өнүктүрүү маселелери баса белгиленди.