21 Бардыгы /

Кечээ, Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Таш-Көмүр шаарынын тургундары менен жолугушту.

Жыйынга Жалал-Абад облусунун прокурору Турусбек Ишеналиев жана шаар мэри Келсинбек Бектемиров катышты.

Эл менен жолугушууда калаадагы 30 жылдан бери токтоп турган “Кристалл” заводунан калган уулу зат калдыктарын утилизациялоо, таза суу тартыштыгы, балык чарбасынын көбөйүүсү менен шаар аралып өткөн Нарын дарыясындагы суунун курамынын аныктоо, тургундар арасында гепатит оорусуна чалдыккандардын санын өсүүсү, медициналык тейлоо сапаты жана дарыгерлердин жетишсиздик көйгөйү айтылды.

Облус башчысы аталган маселелерди жөнгө салуу боюнча Саламаттыкты сактоо министрлигинин Жалал-Абад облусундагы координатору, Жалал-Абад район аралык ооруларды алдын алуу жана санитардык-эпидемиологиялык көзөмөлдөө борборунун башкы дарыгерине тийиштүү тапшырмаларды бериди.

Ыйгарым укуктуу өкүл жергиликтүү бийликке калк арасында аткарылып жаткан жумуштар, алдыдагы пландар боюнча маалымдуулугун жогорулатуу керектигин айтып, бир катар милдеттемелерди койду.

Тилек Текебаев жыйында көтөрүлгөн бардык маселелер кылдат текшерилип, тийиштүү чечимдер кабыл алынаарын кошумчалады.