Аймак

РАЗЗАКОВ КООПСУЗ ШААРЛАРДЫН КАТАРЫНА КОШУЛДУ

РАЗЗАКОВ КООПСУЗ ШААРЛАРДЫН КАТАРЫНА КОШУЛДУ

 3 Бардыгы /

Жалпы коопсуздук жана коомдук тартипти камсыз кылуу максатында Раззаков шаары «Коопсуз шаар» долбоорунун алкагында заманбап видеобайкоо камералары менен камсыз этилди. Бул туурасында Баткен облустук ички иштер башкармалыгынан билдиришти.

Баса, Лейлек райондук ички иштер бөлүмүнүн башчысы Кожобек Козубаевдин сунушу менен Раззаков шаардык кеңешинин депутаттары бир добуштан бул демилгенин жүзөгө ашырылышын ачык колдошуп, а түгүл жетиштүү акча каражатын дагы бөлүп беришти. Бул акчага шаардык мэрия 36 видеобайкоо камераларын сатып алып, Раззаков шаарынын борбордук аянттарына, көчө кесилиштерине жана коомдук жайларына тегиз орнотту. Камералардын иштөө тартиби боюнча атайын мониторинг дагы жүргүзүлдү. Эми булар 24 саат бою онлайн режимде иштейт. Мындан тышкары 3 видео камера демөөрчүлөрдүн жардамы аркасында сатып алынган жана ал базар аймагына гана орнотулду. Бул иш-чаранын негизги максаты – коомдук коопсуздукту жогорулатуу жана мыйзам бузуулардын алдын алуу.

Соңку сааттарда Лейлек районунун акими Канымет Осмонбеков жана Раззаков шаарынын мэри Адилбек Жоробаев жеринде иштин жүрүшү менен таанышып, видео байкоо камераларынын иштөө тартибин тыкыр текшеришти. Аймактык жетекчилер жергиликтүү бийлик жана милиция кызматкерлери менен биргеликте коомдук тартипти толук кандуу камсыз кылуу үчүн бар күч-аракеттерин жумшап, коопсуздукту камсыз кылууну мындан ары дагы уланта тургандыктарын убадалашты.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17