12 Бардыгы /

Бүгүн, 10-апрелде Кыргыз Республикасынын Президентинин Жалал–Абад облусундагы ыйгарым укуктуу өкүлү Тилек Текебаев Өзбекстан Республикасынын Ош шаарындагы башкы консулу Зафарбек Ахмедов баштаган “Ватандошлар” коомдук фондунун өкүлдөрү менен жолугушту.

Облус башчысы келген меймандарды жылуу кабыл алып, Кыргыз Республикасы менен Өзбекстан Республикасынын ортосундагы социалдык-экономикалык, маданий-гуманитардык кызматташтыктар жаңы багытка кеңейгенин белгиледи. Анын алкагында Жалал-Абад облусунун аймагындагы чек аралар такталып, эки элдин карым-катнашы жакшырганын кошумчалады.

Өкүл Жалал-Абад облустук Барпы атындагы кыргыз драма театрында эки элдин өнөр адамдарынын катышуусу менен өтүүчү маданий иш-чарага ийгиликтерди каалап, “Ватандошлар” коомдук фондуна ыраазычылык кат тапшырды.