21 Бардыгы /

Соңку күндөрөдө нөшөрлөп төккөн катуу жамгырдын кесепетинен Ош облусунун Өзгөн районуна караштуу Кара-Дарыя жана Жазы дарыялары нугунан капысынан тайыды. Ошол себептүү аталган аймактарда өзөндөрдүн жээктерин бекемдөө жараяны ушул тапта ыраса активдештирилди.

Өзгөн районунун акиминин орун басары Максатбек Ибраимовдун айтымында, Кара-Дарыядагы «Таза суу» кампасын сактоо максатында суунун нугун башка тарапка буруу ишине 2 экскватор, 4 жүктөгүч тартылды. Ушул тапта суугун нугу дээрлик бурулуп, жээктери дагы тегиз бекемделди. Ал эми Жазы дарыясындагы Ош-Бишкек көпүрөсүндө 60 метр аралыктары дамбаны коргоо үчүн жалгыз экскватор иштетилип, суунун нугу дээрлик 50 пайызга дейре башка жакка акыры бурулду. Ушуга улай Жаңы Өзгөн кварталындагы 800 метр аралыкка суунун нугун буруу максатында техникаларды тартуу аракети жасалып жаткан чагы. Кара-Шоро-Мырзаке автоунаа жолунун 49-51-чакырымын суу жууп, чайпап кеткен. Андыктан, Өзгөндөгү №5-жол тейлөө мекемеси тарабынан эксковатор ишке чегерилди. Суунун нугун буруу абдан активдештирилди. Өзгөн районундагы Төрт-Көл айыл өкмөтүнө караштуу Кыймыл айылындагы дамба жээктерин дагы бекемдөө жана суунун нугун башка тарапка туруу үчүн кызуу аракеттер жасалып жаткан маалы.

Баса, акыркы сааттарда Кыргызстандын Түштүк аймактарында дагы деле жамгыр жаашы күтүлүүдө. Демек, жаратылыш кырсыктары мындан ары дагы бара-бара активдеши  толук ыктымал!

Алишер ТОКСОНБАЕВ, өз кабарчы