6 Бардыгы /

Бүгүн Кыргыз Республикасынын Билим берүү жана илим министрлиги менен Тынчтык Корпусу өз ара түшүнүшүү жөнүндө Меморандумга кол коюшту. Анда тараптардын Кыргыз Республикасында англис тилинде билим берүүнү ого бетер илгерилетүүгө жана мугалимдердин кесиптик деңгээлин дагы буга улай жогорулатууга көмөктөшүү боюнча биргелешкен милдеттенмелери ырасталды. Меморандум – Министрлик менен Тынчтык Корпусунун ортосундагы көп жылдык өнөктөштүктү жана ошондой эле Кыргыз Республикасындагы билим берүү мекемелеринде англис тилин окутуучу ыктыярчылардын санын көбөйтүү боюнча алардын биргелешкен максаттарын мындан ары бекемдейт.

• Бул келишим Тынчтык Корпусу менен Кыргыз

Республикасынын Билим берүү жана илим министрлигинин  мугалимдерди колдоо жана англис тилин үйрөнүү аркылуу студенттердин мүмкүнчүлүктөрүн кеңейтүү боюнча жалпы көз караштарын билдирет, – деди Кыргыз Республикасындагы Тынчтык Корпусунун директору Хойт Брайан Йии мырза.

1993-жылдан бери Кыргыз Республикасында Тынчтык Корпусунун 1350дөн ашык ыктыярчылары кызмат өтөштү. Ушул тапта өлкө боюнча мектептерге дайындалган Тынчтык Корпусунун англис тили боюнча 44 ыктыярчысы жана жергиликтүү өнөктөштөргө туруктуу туризмди илгерилетүүгө жана англис тилин жакшыртууга жардам берип жатышкан төрт Тынчтык Корпусунун Эко-туризм боюнча адис ыктыярчылары бар.

Алишер ТОКСОНБАЕВ, өз кабарчы