6 Бардыгы /

Жыл сайын жаз жана жай мезгилдеринде Ош облусунун Кара-Кулжа районунда жаан-чачын ого бетер арбып, буга улай бийик тоолордогу карлар катарынан эрип, андан ары селге айланып шаштыны куп гана кетирет.

-Мунун кесепетинен Кара-Кулжа дарыясы дагы уламдан улам ташкындап, деңгээли барган сайын ыкчам көтөрүлүп, өзөндүн оң жээктерин чекесинен оюп-жеп, аймакта ушул тапта абдан кооптуу акыбал түзүлүп олтурат, –  деди Президенттин Ош облусундагы ыйгарым укуктуу Өкүлү Элчибек ЖАНТАЕВ. – Ошол себептүү Аймакты жаратылыш кырсыктарынан үзгүлтүксүз коргоо максатында аталган өзөндүн оң жээгине 100 метр узундуктагы эки дамба куруу зарылчылыгы туулуп олтурат. Анткени, Кара-Кулжа дарыясынын боюнда калкты таза суу менен толук кандуу камсыз эткен суу бекети, ошондой эле калктуу конуштар дагы жайланышкан.

        Соңку мезгилде Ош облусун өнүктүрүү фондунан Кара-Кулжа дарыясын бойлото дамбанын курулушуна бир миллион сом бөлүндү. Мындан тышкары ушул тапта дүйнөлүк бир катар донор уюмдар менен дагы үстөккө-босток сүйлөшүүлөр жүргүзүлүп жаткан маалы.

Алишер ТОКСОНБАЕВ, өз кабарчы