6 Бардыгы /

Бириккен Улуттар Уюмунун (БУУнун) Адам укугу боюнча комитети Кыргызстан 2017-жыл укук коргоочу Чолпон Жакупованын жана журналист Нарын АЙЫПтын укуктары одоно бузулгандагын эми гана жар салды.

Анткени, ошо мезгилде, 2017-жылы, укук коргоочу Чолпон Жакупова тегерек үстөлдө Кыргызстанда маалымат каражаттарына  ачык эле кысып көрсөтүлүп, а түгүл сөз эркиндиги таптакыр бузулуп жаткандагын жар салган. Ал эми бул билдирүүнү Нарын АЙЫП дагы Zanoza сайтына бүтүндөй жарыялаган. Ошондо Кыргыз Республикасынын Башкы Прокуратурасы ал кездеги президент Алмазбек Атамбаевдин абийирине орду толгус шек келтирди деген жүйөө менен аталган экөөнөн тең 3 миллион сомдон моралдык чыгым талап кылып, ал эми сот булардын бар мүлкүн толук камакка алып, экөөнүн тең Кыргызстандан сыртка чыгуусуна таптакыр тыюу салып таштаган.

БУУнун Адам укугу боюнча комитети Кыргызстандын сотторунун бул чечимин акылга сыйгыс деп баалап, эки жарандан тең укуктары ашкере бузулган деп тапты.

• Мынча акчаны Алмазбек Атамбаевге төлөш үчүн Нарын

Айыпка 35 жыл бекер иштеш керек эле, – дешти БУУнун Адам укугу боюнча комитетинин серепчилери.

        Ошол себептүү БУУ Кыргыз Республикасынын мыйзамдарын кайрадан караштырып чыгууну өзгөчө талап кылып, укук коргоочуга жана журналистке Кыргызстан компенсация төлөп берүүсүн ачык талап кылды. Буга улай БУУнун Адам укугу боюнча комитетинин чечимин аткаргандагы боюнча 180 күндүн (дээрлик жарым жылдын) аралыгында БУУга милдеттүү түрдө билдирүүнү эскертти.

        Айтмакчы, журналист Нарын АЙЫП үстүбүздөгү жылдын 13-февралында каза тапты. Ал эми Чолпон Жакупова дагыле «Адилет» укук клинкасын үзүрлүү жетектеп келатат.

Алишер ТОКСОНБАЕВ, өз кабарчы