21 Бардыгы /

Бүгүн, 28-майда Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Урматбек Самаев Сузак районунун Барпы айыл аймагынын Чокмор айылында ачылган “Алийма Ташиева” атындагы Эне жана баланы коргоо борборунун дарыгерлери менен жолугушту.

Мында медициналык мекемедеги дарыгерлердин ишмердүүлүгү тууралуу маалымат берилди. Урматбек Самаев Эне жана баланы коргоо борборуна жетишсиз болгон кадр маселелерин жөнгө салуу жумуштары жүрүп жатканын айтып, ага катар башка аймактардан которулуп келген дарыгерлерге керектүү шарттарды түзүү, убактылуу турак жай менен камсыздоо маселеси чечилгенин белгиледи. Ал ошондой эле жергиликтүү бийлик тарабынан турак үйлөрдү ички жабдуулар менен камсыздоо аракеттери жүрүп жатканын кошумчалады.

Ыйгарым укуктуу өкүлдүн орун басары жаңы мекемеде коммуникациялык маселелер жаралбашы керектигин айтып, тийиштүү мекеме-ишканалардын кызматкерлерине эскертүүлөрдү берди.