6 Бардыгы /

Бүгүн, 29-майда  Ноокен районунун Бүргөндү-Достук айыл аймагынын Ууру-Жар айылында райондук өзгөчө кырдаалдар бөлүмүнүн Бүргөндү бөлүмчөсүнүн административдик имаратынын ачылышы болду.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, район акими Таалайбек Ишенбеков жана айыл тургундары катышты.

Мекеменин курулуш иштери 2024-жылдын октябрь айында башталып, Ноокен райондук өнүктүрүү фонду жана жергиликтүү бюджеттен жалпы 17 млн сом акча каражаты жумшалган.

Облус башчысы Тилек Текебаев айыл аймак жашоочуларын куттуктап, өзгөчө кырдаалдар кызматынын жаңы бөлүмчөсүнүн ачылуусу — жергиликтүү элдин коопсуздугун сактоодо, табигый жана техногендик кырсыктардын алдын алууда жана кесепеттерин жоюуда чоң мааниге ээ экенин белгиледи. Ага катар жарандарды ар түрдүү өрт кырсыктарынан сак болууга чакырды.