9 Бардыгы /

2010-жылы Ош жана Жалал-Абад аймактарында катталган коогалаңга быйыл туптуура 15 жыл толду. Бүгүн 10-июнда Ош шаарындагы «Энелердин көз жашы» мемориалдык комплексинде буга байланыштуу эскерүү иш-чарасы өткөрүлүп, коогалаңда дайынсыз жоголгондордун жакындары, каза тапкагндардын тууган-уруктары, Ош шаар бийлигинин өкүлдөрү, президенттин Ош облусундагы Өкүлчүлүгүнүн кызматкерлери катышышты.

Баса, «Ош окуясында дайынсыз балдардын энелери»  коомдук бирикмесинин мүчөлөрү иш-чарага Ош шаар башчысы Жеңишбек Токуторбаев катышпагандыгына нааразычылыгын ачык эле билдиришип, «Ош окуясы[Ч1] [Ч2] »  жыл өткөн сайын улам унутулуп гана бара жатканыдыгын, жергиликтүү бийлик бул күнгө таптакыр эле көнүлкош мамиле жасап келатышкандыгын кескин түрдө сынга алышты.

Айтмакчы, 2010-жылы июнь айында Ош жана Жалал-Абад облустарында улуттар аралык жаңжал тутанган.  Июнь коолагаңы деген ат менен тарыхта калган бул тоз-тополондо расмий маалыматка караганда 446 адам каза таап, ал эми эки миңге чукул киши ар кандай даражада жараланган. 57 адам дайынсыз жоголуп, алардын 19у эмдигиче табыла элек.

Алишер ТОКСОНБАЕВ, өз кабарчы

 [Ч1]

 [Ч2]