3 Бардыгы /

Бүгүн, 11-июнунда Бишкектеги “Мурас Ордо” турак жай комплексинен 77 чек арачы жаңы батирлерге ээ болушту. Бул “Менин үйүм” мамлекеттик программасынын алкагында ишке ашты. Бул тууралуу УКМКнын Чек ара кызматынан билдирди.

Салтанатта сөз сүйлөгөн КР УКМК төрагасы Камчыбек Ташиев батир тапшыруу — аскер кызматчыларынын эмгегин баалоо экенин белгилеп, мамлекет алардын Мекенди коргоодогу кайратман кызматына жогору баа берерин айтты.

Акыркы 5 жылда 570тен ашык чек арачы үй-жайлуу болду. Быйыл дагы 100 үй-бүлө Баткен жана Ысык-Көлдө турак жай алышат. Жыл аягына чейин Бишкекте дагы 60 батир берилет.

Чек арачылар үчүн өлкөнүн бардык аймактарында турак жайлар курулууда. Жалпысынан 60тан ашуун объект пайдаланууга берилген, дагы 30унун курулушу уланууда. Июнь айында “Бөрү” атайын багыттагы отряд үчүн заманбап аскер бөлүгү ачылат.

Бул иштер чек ара кызматынын шартын жакшыртып, коргонуу мүмкүнчүлүктөрүн чыңдоого багытталган.