39 Бардыгы /

Кечээ, 12-июнда Ала-Бука районунда Ызар аймактык милиция бөлүмүнүн жаңы заманбап имаратынын салтанаттуу ачылыш аземи болуп өттү.

Ачылуу аземине ички иштер министринин орун басары, милициянын генерал-майору Адылбек Бийбосунов, Ала-Бука райондук акиминин орун басары Жанарбек Токтогулов, Жалал-Абад ОИИБдин башчысы Марлис Асанов, ошондой эле милиция кызматкерлери жана ардагерлер катышты.

Жаңы имарат бардык заманбап талаптарга жооп берип, кызматтык ишти уюштурууга жана жарандарды кабыл алууга керектүү шарттар менен жабдылган. Ыңгайлуу шарттарды түзүү милициянын ишинин натыйжалуулугун жогорулатууга жана калкка көрсөтүлүүчү кызматтардын сапатын жакшыртууга өбөлгө түзөт.

Белгилей кетсек, милиция бөлүмүнүн аймагында кызматкер үчүн атайын эки бөлмөлүү турак жай да курулуп, пайдаланууга берилди. Бул кызматтык үй- алыскы айылдарда иш алып барган кызматкерлердин жашоо шарттарын жакшыртууга багытталган.

Иш-чаранын жүрүшүндө коноктор жаңы имараттын коомдук коопсуздукту камсыздоодо өзгөчө маанилүүлүгүн белгилеп, милиция кызматкерлери эл үчүн өз милдеттерин мындан ары да жоопкерчилик менен аткарарына ишенимин билдиришти.