54 Бардыгы /

Ала-Бука районунун кооз табияттуу аймактарынын бири — Балтагулов айыл аймагынын Чанач-Сай жайлоосунда «A-frame» форматындагы модулдук үйлөр орнотулуп, жаңы эс алуу жайы ачылды.

Ала-Бука райондук мамлекеттик администрациясынан маалымдалгандай, ачылыш аземине райондун акими Руслан Айтбаев баштаган райондук жетекчилер, жергиликтүү тургундар катышты.

Аким өз сөзүндө Чанач-Сай сыяктуу табияттуу кооз жайларда туризмди колдоо аркылуу жергиликтүү калк үчүн кошумча киреше булагын түзүү, ошондой эле райондун туристтик мүмкүнчүлүктөрүн кеңейтүү максаттары тууралуу белгиледи.

Эс алуу жайы жеке ишкер Сейдакмат Абдиллаев тарабынан курулуп, туризм тармагын өркүндөтүү максатында райондук өнүктүрүү фонду тарабынан төмөнкү пайыз менен насыя берилген.

Модулдук типтеги үйлөрдөн түзүлгөн эс алуу жайы ички жана сырткы туристтер үчүн ыңгайлуу шарттарды камсыздап, жайкы эс алуунун жаңы форматын сунуштайт.