33 Бардыгы /

15-20-июль күндөрү Тажикистан Республикасында өткөрүлгөн  КМШга мүчө мамлекеттер арасындагы Жол кыймылынын жаш тескөөчүлөрү эл аралык кароо-сынагы аяктап, өлкөбуздүн атынан катышкан кызматкерлер жана мектеп окуучулары мекенибизге кайтып келди.
ЖКККББнын басма сөз кызматы билдиргендей, аларды  ИИМдин Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Джоробеков баштаган жетекчилер салтанаттуу тосуп алып, жакшы каалоо-тилектерди билдирүү менен ата-энелерине өткөрүп беришти.
Эскерте кетсек, Тажикстан өлкөсүндө өткөрүлгөн КМШнын  Жол кыймылынын жаш тескөөчүлөрү эл аралык кароо-сынагына өлкөбүздүн атынан Чүй облусунун “Макиш Койбагаров” атындагы жалпы билим берүү орто мектебинин окуучулары катышып, аларды ИИМдин ЖКККББнын үгүт-насаат кызматкерлери коштоп барышкан.
Катышуучулар КМШ өлкөлөрүнүн арасынан өлкөбүздүн желегин бийик көтөрүп, татыктуу орундарга жана баалу байгелерге ээ болушту.