9 Бардыгы /

Марлен Маматалиев парламенттин төрагасы болуп шайланды. Чечим Жогорку Кеңештин депутаттары тарабынан добуш берүү аркылуу кабыл алынды.

Марлен Маматалиев 45 жашта, Бишкек шаарында туулган.

Билими: жогорку. 2002-жылы Кыргыз техникалык университеттин «Автоматташтыруу жана башкаруу» адистиги боюнча бакалаврды, 2003 -жылы ушул эле адистик боюнча магистратураны бүтүргөн. 2011-жылы Кыргыз экономикалык университетинен «Финансы жана кредит» адистиги боюнча билим алган.

Иш тажрыйбасы:

Эмгек жолун 2003-жылы Соцфонддо программалык камсыз кылуу бөлүмүнүн жетектөөчү адиси болуп баштап, 2008-жылы финансы министринин жардамчысы, 2007-2009-жылдары экономика министринин кеңешчиси, 2010-жылы вице-премьердин кеңешчиси, 2010-жылы «Ар-Намыс» депутаттык фракциянын бөлүм башчысы болгон. 2016-2018-жылдары «Аллор Строй Сервис» ЖАКтын башкы директору, 2018-жылдан бери парламенттин үч чакырылышында катары менен депутат болуп келе жатат.