3 Бардыгы /

Бүгүн, 4-мартта Жалал–Абад облусунун прокуратурасы Кыргыз Республикасынын Президентинин облустагы ыйгарым укуктуу өкүлчүлүгүнүн имаратында ишкердик субъекттеринин укуктарын коргоо маселесине арналган жолугушуу өткөрдү.

Иш-чарага облус башчы Тилек Текебаев, облустук ички иштер башкармалыгынын, УКМКнын облустук башкы башкармалыгынын, Мамлекеттик салык кызматынын аймактык жетекчилери жана ишкерлер катышты.

Жыйында ишкерлердин мыйзамдуу укуктарын жана кызыкчылыктарын коргоо, бизнеске мыйзамсыз кийлигишүүгө жол бербөө маселеси талкууланды. Прокуратура тарабынан укук бузуулар аныкталса, мыйзам чегинде катуу чаралар көрүлөрү белгиленди.

Ошондой эле Президенттин 2026-жылдын 28-январындагы №18 Жарлыгына ылайык, 2026-жылдын 31-декабрына чейин пландан тышкаркы салыктык текшерүүлөргө тыюу салынганы боюнча түшүндүрмө берилди. Бул чечим ишкердикти колдоого жана инвестициялык климатты жакшыртууга багытталганы айтылды.

Жолугушуунун жүрүшүндө ишкерлер көтөргөн суроолорго тиешелүү мамлекеттик органдардын жетекчилери жооп беришти. Облустук прокуратура ишкерлердин укуктарын коргоо багытындагы иштерди мындан ары да улантарын билдирди.