39 Бардыгы /

Бүгүн, 5-март — Сот кызматкерлеринин кесиптик майрамына карата Жалал-Абад облустук сотунда майрамдык иш-чара өттү.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, Жалал-Абад облустук сотунун төрайымы Жыпар Сабырова, облус прокурору Турусбек Ишеналиев, УКМКнын Жалал-Абад облусу боюнча башкы башкармалыгынын жетекчиси Саламат Сартов, облустук ички иштер башкармалыгынын башчысы Марлис Асанов жана сот тутумунун кызматкерлери катышты.

Облус башчысы Тилек Текебаев өз сөзүндө сот системасы мамлекеттеги адилеттүүлүктүн, мыйзамдуулуктун жана коомдогу туруктуулуктун негизги тиреги экенин белгиледи. Ал сот кызматкерлеринин жоопкерчиликтүү эмгеги жарандардын укуктарын коргоодо жана адилет чечимдерди кабыл алууда өзгөчө мааниге ээ экенин айтты.

Ошондой эле акыркы жылдары өлкөдө сот системасын реформалоо, кызматкерлерге тийиштүү шарттарды түзүү жана жарандарга сапаттуу, жеткиликтүү кызмат көрсөтүү багытында алгылыктуу жумуштар бар экенин кошумчалады.

Иш-чаранын жүрүшүндө облус башчысы сот кызматкерлерин кесиптик майрамы менен куттуктап, жоопкерчиликтүү ишинде ийгиликтерди каалады. Майрамдын алкагында бир катар кызматкерлерге ардак грамоталарды тапшырды.