18 Бардыгы /

Бүгүн, 12-мартта Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев Манас шаарындагы “Тазалык” муниципалдык мекемесине алынган жаңы атайын техникалардын ачкычтарын тапшырды.

Атайын техникалар Жалал-Абад облусунун өнүктүрүү фонду тарабынан каржыланып, жалпы сметалык баасы 7 млн. 100 миң сомду түзөт. Мында төрт даана көп тармактуу, кар тазалоочу кичи трактор сатылып алынган.

Ыйгарым укуктуу өкүл Тилек Текебаев жаңы техникалар шаардын тазалыгын камсыз кылууда, өзгөчө кыш мезгилинде кар тазалоо иштерин ыкчам жана сапаттуу жүргүзүүгө чоң жардам бере турганын белгилеп, шаар инфраструктурасын жакшыртууга багытталган мындай иштер мындан ары да улантыларын билдирди.