42 Бардыгы /

Ноокен районунун Д. Садырбаев айыл аймагындагы Жоомарт Бөкөнбаев атындагы инновациялык орто жалпы билим берүү мектеби капиталдык оңдоп–түзөөдөн өткөрүлүп, кайрадан пайдаланууга берилди.

Ачылыш аземине Кыргыз Республикасынын Президентинин Жалал-Абад облусундагы ыйгарым укуктуу өкүлү Т. Текебаев жана Ноокен райондук мамлекеттик администрациясынын башчысы-аким Т. Ишенбеков катышты.

Мектептин капиталдык оңдоп-түзөө иштери 2025-жылдын август айында башталып, 2026-жылдын февраль айында ийгиликтүү аяктап, пайдаланууга берилди. Оңдоп-түзөөдөн кийин билим берүү мекемесинде окуучулар үчүн бардык шарттар түзүлдү.

Имарат 2 кабаттан туруп, 22 окуу классы, ашкана, жыйындар залы, лабораториялык класстар, компьютердик класс жана китепкана менен камсыздалган. Мындан тышкары, бардык керектүү эмеректер жана тиешелүү жабдуулар орнотулуп, ички ажатканалар каралган. Жылытуу системасы көмүр менен камсыздалат.