9 Бардыгы /

Кыргызстандагы жергиликтүү өз алдынча башкаруу органдарында бир катар кадрдык өзгөрүүлөр болду. Тиешелүү кадрдык дайындоолор жана кызматтан бошотуулар боюнча жарлыктарга Президент Садыр Жапаров кол койду.

Чүй облусунда:

– Ниязбек Козуев Москва районунун акими кызматынан бошотулуп, анын ордуна Илияз Ташбаев жаңы аким болуп дайындалды.

Жалал-Абад облусунда:

– Талантбек Эдилов Базар-Коргон районунун акими кызматынан бошотулуп,

Алтынбек Бектуров Базар-Коргон районунун акими болуп дайындалды;

– Темирболот Абыкеев Ала-Бука районунун акими болуп дайындалды, ал эми Руслан Айтбаев өз каалоосу боюнча Ала-Бука районунун акими кызматынан бошотулду;

– Эдилбек Тажимырзаев Кара-Көл шаарынын мэри болуп дайындалды, Нуртилек Орозбаев Кара-Көл шаарынын мэри кызматынан бошотулду;

– Алтынбек Жумаев Майлуу-Суу шаарынын мэри кызматынан бошотулуп,

Алмаз Байгазиев Майлуу-Суу шаарынын жаңы мэри болуп дайындалды.

Баткен облусунда:

–Бакытбек Кошалиев Кызыл-Кыя шаарынын мэри болуп дайындалды.

Нарын облусунда:

– Жайнак Немат уулу Нарын шаарынын мэри кызматынан бошотулуп,

Жылдызбек Беккелдиев жаңы мэр болуп дайындалды.

Кадрлар боюнча чечимдер Конституцияга жана «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамга ылайык кабыл алынды.