3 Бардыгы /

Кечээ, 6-октябрда Министрлер Кабинетинин Төрагасы Адылбек Касымалиев Бишкек шаарындагы Патрис Лумумба көчөсүндө жайгашкан жаңы мектептин ачылыш аземине катышты.
Иш-чаранын жүрүшүндө Курулуш, архитектура жана турак жай-коммуналдык чарба министри Нурдан Орунтаев Министрлер кабинетинин төрагасы Адылбек Касымалиевге мектептин курулушу жана анда түзүлгөн шарттар тууралуу маалымат берди. Ал эми республика боюнча дагы 19 социалдык объект онлайн форматта ачылды. Алардын ичинде 17 мектеп жана 3 бала бакча бар.
Бишкек шаарында – 10 объект:

– Ак-Ордо конушу, Теңир-Тоо көчөсү — 750 орундуу жаңы мектеп;

– №32 мектеп — 250 орундуу жаңы корпус;

– №42 мектеп — 385 орундуу жаңы корпус;

– Кашка-Баш айылы — 750 орундуу жаңы мектеп;

– №79 мектеп — 570 орундуу жаңы корпус;

– Патрис Лумумба көчөсү, 54/7 — 1200 орундуу жаңы мектеп;

– Калыс-Ордо конушу, №86 мектеп — 940 орундуу жаңы корпус;

– Өскөн-Ордо конушу — 750 орундуу жаңы мектеп;

– Көк-Жар айылы — 750 орундуу жаңы мектеп;

– Дордой конушу, №94 мектеп — 750 орундуу жаңы корпус.
Манас шаарында – 3 объект:

– Ак-Тилек конушу — 375 орундуу мектеп;

– Достук айыл аймагы, №5 Б. Осмонов атындагы мектеп — 375 орундуу жаңы корпус;

– Достук конушу, №21 Ж. Болотов атындагы мектеп — 375 орундуу жаңы корпус.
Ош шаарында – 2 объект:

– №33 С. Алымкулов атындагы мектеп — 312 орундуу жаңы корпус;

– Сүрөттүү-Таш айылы, Кызыл-Кыштак айыл аймагы — 500 орундуу жаңы мектеп.
Жогоруда аталган үч шаардагы 15 мектептин курулушу президенттин тапшырмасы менен 2026-жылы башталып, 7-8 ай аралыгында заманбап шарттар менен курулуп бүттү. Объекттер республикалык бюджеттин эсебинен каржыланып, Курулуш министрлиги тарабынан ишке ашырылды.
Мектептерде заманбап инженердик жана конструктивдик чечимдер колдонулуп, жылытуу, желдетүү, суу жана электр системалары толук камсыздалган. Окуу класстарында ысык жана муздак суу, заманбап эмеректер, эргономикалык парталар жана отургучтар орнотулган. Ошондой эле мектептерде күн панелдери, лифттер, спорт залдары, медициналык жана стоматологиялык кабинеттер, лабораториялык жана компьютердик класстар каралып, ден соолугунун мүмкүнчүлүктөрү чектелген балдар үчүн жеткиликтүү шарттар түзүлгөн.

Аймактар боюнча:

Жалал-Абад облусунун Ноокен районунда – 2 объект:

– Кудук-Сай айылы, Бүргөндү-Достук айыл аймагы — 50 орундуу бала бакча;

– Сары-Сыя айылы, №22 Б. Абдрахманов атындагы мектеп — 275 орундуу жаңы мектеп.

Ысык-Көл облусунун Тоң районунда – 1 объект:

– Кара-Талаа айылы — 275 орундуу А. Алаков атындагы мектеп.

Ош облусунун Алай районунда – 1 объект:

– Жаңы-Алай айылы — 120 орундуу бала бакча.

Талас облусунун Айтматов районунда – 1 объект:

– Чымкент айылы — 140 орундуу бала бакча.

WWW.