2,535 Бардыгы /

Урматтуу жердештер!

Бардыгыңыздарды мамлекетибиздин эң башкы майрамы – Эгемендүүлүк күнү менен куттуктайм!

Ата-бабаларыбыз көз карандысыздыкка, эркиндикке карай узак жол, бийик ашууларды басты. Кыргыз каганатынан көп кылымдардан кийин биз байыркы ата-бабалар жеринде өз мамлекетибизди – эгемендүү Кыргыз мамлекетин кайра куруп жатабыз. 1991-жылдан кийин Кыргызстандын жаңы тарыхы башталды. Бирок кыргызстандыктар 27 жыл ичинде кылымга тете окуяларды, сыноолорду башынан өткөрдү. Кагылып-согулуп, оош-кыйыштардан өттүк. Кыйынчылыктарга туруштук берип, бүгүн биз чыйралдык, жетилдик.

Кыргыз эли – Жараткан сүйгөн эл. Кудай бизге  укмуштай кооз жер берген. Жараткандын ошол тартуусун барктап, баалайлы. Улуу эл, уңгулуу улут деген наамга татыктуу бололу.

Дүйнөдө көптөгөн элдер өз жерине, мамлекетине жете албай кылымдап күрөшүп, запкы көрүп, жанын берип, эркиндигин эңсеп келет. Андыктан көз карандысыздыгыбызды баалайлы. Өз балдарыбызга экономикасы күчтүү, бийлиги адилет мамлекетти мураска калтыралы. Жараткан жерибиздин, элибиздин жолун ачып, бак-берекет берсин. Ар бириӊиздерге бекем ден соолук, жан дүйнөӊүздөргө тынчтык каалайм!

Шаирбек Ташиев, «Ата-Журт» фракциясынын лидери