Аймак

“АК КАЛПАГЫН КУТ БОЛСУН АЙЛАНАЙЫН” АКЦИЯСЫ

“АК КАЛПАГЫН КУТ БОЛСУН АЙЛАНАЙЫН” АКЦИЯСЫ

 1,668 Бардыгы /

ЖАЛАЛ-АБАД. Аксы районундагы Үч-Коргон айыл аймагынын Зуура Мырзабаева жетектеген “Алтын ачкыч” мектепке чейинки билим берүү мекемесинде Жалал-Абад областтык медиа борборунун Аксыдагы бөлүмүнүн демилгеси менен “Ак калпагын кут болсун айланайын” аттуу ак калпак күнүнө карата акциясы болуп өттү.  Бул боюнча акциянын уюштуруучусу ЖТРКанын Аксыдагы аймактык кабарчысы Абдымомун Калбаев билдирди.

Маалыматка ылайык, “Алтын ачкыч” балдар мекемесинин жамааты бул иш- чарага өзгөчө даярдык көрүшкөндүгү анын жүрүшүндө көрүндү. Жаш жеткинчектер ак калпак, Ала Тоо, мекен тууралуу көркөм окуулардын окушуп, ыр бийлерди аткарышып, бул күндү чоң майрамга айландырышты.  Жаш жеткинчектерге аксакалдар менен элечек энелер ак калпактарды кийгизип, ак баталарын беришти. Ак калпактын куттуу баш кийим экендигин айтышып, ардактап кийип жүрүүгө чакырышты. Айыл аймагынын башчысы Талантбек Эркинов, Аксы райОНОсунун жетектөөчү адиси Махабат Мырзаканова, акын-жазуучу Баялы Момунов жаш жеткинчектерди ак калпак күнү менен куттуктап ак тилектерин билдиришти.

Аталган акция жети жылдан бери өтүп келет. Бул жылдардын ичинде 300 ашык бөбөктөргө ак калпактарды кийгизип аксакалдар менен ак элечек Умай энелер биздин ак баталарын алып беришти.”Ак калпагын кут болсун айланайын” акциясынын эстафетасын Ала Бука районунун элге билим берүү бөлүмүнүн өкүлдөрү алышты”, –дейт уюштуруучу А.Калбаев.

Акциянын акырында анын уюштуруучусу ЖТРКанын Аксыдагы аймактык кабарчысы Абдымомун Калбаев сүйлөп “Алтын ачкыч” мектепке чейинки билим берүү мекемесинин жамаатына терең ыраазычылык билдиргендигин баса белгилеп кетти.

 

“Аймак”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17