Аймак

АЛА-БУКА РАЙОНУНДА 2020-ЖЫЛДЫН 4-АПРЕЛИНЕ КАРАТА АБАЛ ТУРУКТУУ

АЛА-БУКА РАЙОНУНДА 2020-ЖЫЛДЫН 4-АПРЕЛИНЕ КАРАТА АБАЛ ТУРУКТУУ

 1,092 Бардыгы /

ЖАЛАЛ-АБАД. Жаздын ар бир күнүн натыйжалуу пайдаланып калууну алдыга максат кылып койгон дыйкандар жазга талаа иштерин ойдогудай жүргүзүп жаткан учуру.  Ошол эле учурда Коронавирус оорусунуну алдын алуу, жайылтпоо максатында күчөтүлгөн режимде иш жүрүүдө.

Ала-Бука районунун Ак-Коргон айылдык аймагындагы мобилдик ыкчам топтор тарабынан обьектилер, турак жайлар залалсыздандырылды. Бул жумуштарга 2 техника тартылып, 100 кг дез каражаттар чачылды. Атайын түзүлгөн медиктер тобу тарабынан II категориядагы контактагы жарандардын абалы текшерилип, кооптуу белгилери аныкталган жок.

Райондун госпиталында дарыланып жаткан 7 жарандын абалы канааттандырарлык. Контакта болгон II категориядагы жарандардын ичинен УДТнын каттосунда турган оорукчан, иммунитети төмөн 27 жаранга райэпид фондунан атайын даары-дармектер, витаминдер, имуномодуляторлор, градусниктер жана эт таратылды. Ал эми “Фулл Голд Майнинг” ЖЧК тоо кен ишканасы тарабынан 25 миң даана беткаптар элге берилди. ӨКМ тарабынан 300 даана экспресс тест, 20 литр антисептик, 20 жамгырдан сактоочу плащтар ҮМБга, 30670 аскер бөлүгүнө жана РИИБге   таратылды.

Кыргыз Республикасынын материалдык резервдер фондунан ажыратылган 450 кап ун Көк-Таш жана Өрүктү айылдык аймактарында таратылып берилди.

Райондо жазгы талаачылык иштери жана ички чарбалык каналдарды ремонттоо, арык чабуу иштери кызуу жүрүүдө. Өкмөттүн резервдик фондунан бөлүп берген ун адрестуу таркатуу менен муктаж үй-бүлөлөргө берилип жаткандыгын да баса белгилеп кетмекчиз.

 

Абдымомун КАЛБАЕВ, Ала-Бука району

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17