1,840 Бардыгы /

ЖАЛАЛ-АБАД. Ала-Бука районунун акими менен өкмөттүн областтагы өкүлүнүн жүргүзүп жаткан иштери ар тараптан колдоого алууга татыктуу.

Ала-Бука районунун акими менен өкмөттүн областтагы өкүлү бардык күч аракеттерин жумшап жаткандыктарын эл деле көрүп турат.  Кыйкым табуу оңой, ишти жеринде уюштуруу жеңил желпи иш эмес.  Башкасын айтпаганда да Ала-Бука районунда аткарылып жаткан иштер, ала-букалык эки депутаттын көмөктөрү башкаларга үлгү боло турган эле иштер. Иш жасап жаткан адамды эле баса калып кемчилик издей берүү жакшы иш эмес. Бүткүл өлкөдө  өзгөчө кырдаал киргизилген күндөн баштап Ала-Бука райондук мамлекеттик администрациясынын демилгеси жана координациясынын астында ар бир айыл өкмөттө эпидемиялык фонддор ачылып, 1600 кг хлор сатып алынган жана 116 адамдан турган ыкчам ыктыярчылар тобу түзүлүп санитардык эпидемиологиялык көзөмөлдөө борбору тарабынан 2 жолку атайын окуудан өтүшкөн. Айыл өкмөттөр тарабынан ар бирине атайын формалар жана дезкаражат чачуучу аппаратар менен камсыз болушкан. Жер жерлерде дезинфекциялык иштерин колго алышып ушул күнгө жалпы 801 обьект, анын ичинен: 340 соода түйүндөрү, 163 коомдук транспорт, 7 базар, 74 мечит, 226 коомдук мекемелерде  дезинфекциялык иштер аткарылган.

Өзгөчө кырдаал бөлүмүнүн өрт өчүрүүчү машинасында чачылып жаткан дезкаражаттар айыл өкмөттөр тарабынан камсыздалып берилген. Көк-Таш айыл өкмөтү тарабынан 1млн. сом, Ала-Бука айыл өкмөтү тарабынан 500 000 сом жергиликтүү бюджеттин эпид фонду тарабынан 62 000 сом, жалпы баасы 1млн. 562 000 сомдук Ала-Бука аймактык ооруканага көчмө рентген аппараты алынган. Учурда дыйканчылык, мал чарбачылыгындагы иштер да талаптагыдай жүрүп жаткандыгын белгилеп кетүүгө болот.

Абдымомун КАЛБАЕВ, Ала -Бука району