1,044 Бардыгы /

ЖАЛАЛ-АБАД. Аксы районунун Авлетим айыл аймагынын Оут жана Тегерек айылдарда жашаган эл электр жарыгы жок жашап келген, үстүбүздөгү жылдын 5 -апрелинде элге электр жарыгы берилди.

Аксы районунун Авлетим айыл аймагынын Оут -Сай айылында жашаган элге электр жарыгы жетпей, депутат болчулар, партиялар убада берип аткарылбай, эл каражат топтоп  2 миллион 400 миңге долбоору даярдалып, аны ишке ашырууга да каражат табылбай келген. Авлетим айыл аймагынын башчысы Нурмырза Абдырамановдун талбаган аракетинин натыйжасында бул долбоор ишке ашырылды. Акыйкаттык үчүн белгилеп кетүү керек, Жогорку Кеңештин депутаты Алмазбек Эргешов каржылык маселесинин чечилишине чоң жардам берип бир миллион сом акча бөлүнүп, курулушту Камалбек Сапаров жетектеген “Үмүт + КС” электр монтаждоо ишканасынын куруучулары жаңы трансформаторду орнотуп, электр мамыларын тартып, курулушту ишке ашырды. Авлетим айыл өкмөтү 5 электр мамыны алып берип 55 миң сомдук салым кошушту. Куруучулардын тамак ашын айыл башчысы Мунарбек Жоробеков уюштуруп куруучуларга көмөк көрсөттү. Ошентип Оут жана Тегерек айылдарынын 74 кожолугу электр жарыгы менен камсыз болду.  Курулуш монтаждоо иштерине 1 миллион 154 миң сом каражат сарпталды.  Өлкөдөгү кырдаалга байланыштуу ачылыш аземи кийинкиге калтырылды.

Быйылкы эле жылда айыл аймагында участкалык оорукана капиталдык ремонттон сапаттуу чыгарылды. Итагар суусуна чоң көпүрөнүн курулушу бүтүп пайдаланууга берилди. Учурда дагы бир спорт зал менен Калмат Алымкулов орто мектебинин курушу жүрүп жатса, Дейрес айылында таза суу түтүктөрү тартылууда. Буйруса быйылкы жылда дейрестиктер таза суу менен да камсыз болмокчу. Учурдагы акыбалга байланыштуу коронавирустун алдын алуу иштери жүрүүдө. Айыл бир сыйра дезификциялоодон өткөрүлдү. Айылдын негизги көчөлөрүндө блок посттор коюлду.

Эл депутат Алмазбек Эргешовго терең ыраазычылык билдирүүдө. Анткени ар дайым эл менен болуп, кыйын күндөрдө элдин жеңилин жерден,оорун колдон алып өз жардамын берип жатат. Атап айтканда 2800 бет кабы акысыз алып келип элге таркатылды.  Жогоруда аталган иштердин өз убагында чечилишине, каржы менен камсыздоодо депутаттын салымы өзгөчө экендигин айтуу керек. Рахмат Алмазбек Манасбекович, эл уулу сиздей болуш керек демекчимин!

Абдымомун КАЛБАЕВ, журналист, Аксы району