РАЙОН КҮЗ КАМЫЛГАСЫН ЖАЗДА КӨРҮҮДӨ

1,195 Бардыгы /

ЖАЛАЛ-АБАД. Ала-Бука райондук администрациясынын башчысы Эмилбек Абдыкадыровдун көтөргөн демилгеси менен райондун жетекчилери, айыл өкмөт башчылар, өзгөчө медиктер менен ички иштер кызматкерлери күн- түн тынымсыз иштеп кырдаалдан элди чыгарып келе жатышат.

Ала-Бука районунун акими Эмилбек Абдыкадыровдун уюштуруучулук жогорку чеберчилиги менен элге келген апаат тажы вирусунун алдын алуу максатында райондогу жеке ишкерлер, сыртта иштеп жатышкан райондун атуулдарынын, Жогорку Кеңештин депутаттарынын жардамы менен эл кыйынчылыктан ийгиликтүү чыгып келе жатат. Кыйын деп шылтоо издеп олтуруп албай райондун жетекчилери, айыл өкмөт башчылар, өзгөчө медиктер менен ички иштер кызматкерлери тынымсыз иштеп кырдаалдан элди чыгарышууда. Ошол эле учурда күз камылгасын көрүп жатышкан учуру. Быйылкы жылда 4875 гектар жер айдалып, анын 2886 гектарына өткөн күздө күздүк кылкандуу дан эгин себишкен. Учурда болсо дагы 342 гектар жаздык эгин себилди. Андан сырткары 1085 гектар картошка,1174 гектар жүгөрү, 939 гектар май өсүмдүктөрү, 1240 гектар жашылча,15 гектар пахта себүүгө жетишишти. Райондо минералдык жер семирткичтердин запасы бар экендигин да айта кеткенибиз жөндүү. Каналдарды, арыктарды тазалоо, айдап себүү иштери учурда улантылып жатат.

Ынтымак болсо, биримдик болсо ал жерге кудай ырыскы чачат деген сөз бар элибизде, андыктан талааңыздарга береке берсин ала букалык дыйкандар демекчибиз. Күн тынымын билбей элдин ичинде болуп иштеп жаткан райондун акимине, айыл чарба адистерге, медиктерге жана ички иштер кызматкерлерине ийгиликтерди каалап кетмекчибиз. Жараткан элибизге тынччылык, жерибизге кут береке берсин.