1,089 Бардыгы /

БИШКЕК. Кыргыз Республикасынын Президентине караштуу Мамлекеттик Башкаруу Академиясынын жана Германиянын Ханнс Зайдель фондунун биргелешкен магистердик программасынын бүтүрүүчүлөрү медицина кызматкерлерин колдоо максатында 140 даана көп жолку колдонулуучу медициналык коргоочу кийимдерди дарыгерлерге тапшырышты. Бул тууралуу бүтүрүүчүлөрдүн Улуттук координациялык кеңешинин төрагасы Нургазы Каримов маалымдады.

Маалыматка ылайык, буга чейин алар «Биз коронавирусту биргеликте жеңебиз!» аттуу онлайн акция жарыялашып, 90000 сомго чукул каражат чогултушкан.

Акциянын жыйынтыгы менен сатылып алынган медициналык коргоочу кийимдер, коронавирустан өзгөчө жабыр тарткан аймактар Бишкек шаарындагы республикалык жугуштуу оорулар борборуна жана улуттук госпиталга 40 даана, Ош облустар аралык бириккен клиникалык ооруканасына 53 даана,  Жалал-Абад областык клиникалык ооруканасына 24 даана, Сузак райондук аймактык ооруканасына 20 даана, Сузак районундагы өткөрмө блок-постко 3 даана берилген.

Мындан ары бүтүрүүчүлөр жабыр тарткан элге азык-түлүк түрүндөгү гуманитардык жардамдарды берүү боюнча акциялар улантышмакчы.