2,627 Бардыгы /

ЖАЛАЛ-АБАД. Бүгүн, 28-апрель күнү Жалал-Абад бизнес ассоциациясы жана “Элим барсыңбы” коомдук кайрымдуулук фонду менен биргеликте Жалал-Абад  областтык клиникалык ооруканасына 95 даана көп жолку колдонууга ылайыкташкан медициналык коргоочу костюм жана респираторлорду тапшырды.

Жалал-Абад шаардык мэриянын маалымат кызматы маалымдагандай бул багытта короновирус илдети менен күрөшүүдө медицина кызматкерлерине көмөк көрсөтүү максатында Кыргызстандагы жалпы ишкерлер ассоциациясы демилге көтөргөн. Анда өлкө боюнча илдет менен күрөшүп жаткан оорукана кызматкерлерине 1000 даана атайын коргоочу кийимдер алынган. 

Алардан 95 даанасы Жалал-Абад областтык клиникалык ооруканасынын жугуштуу оорулар бөлүмүндө иштеп жаткан медицина кызматкерлерине жеткирилди.