1,944 Бардыгы /

ЖАЛАЛ-АБАД. Кыргыз Республикасынын эл агартуусуна эмгек сиңирген ишмер, академик Абдырахман Мавлянов кичи мекени болгон Аксы жергесиндеги дарыгерлер өз жардамын берди.

Алдыда жүрсө ак жолтой, аркада жүрсө сан колдой болгон куттуу карыларыбыздын бар экени элибиздин жаштарыбыздын ырысы. Элибиз бекер айтпаган “карысы бардын ырысы бар” деп. Ошондой кутман карыларыбыздын бири техника илимдеринин доктору, профессор, Кыргыз Республикасынын эл агартуусуна эмгек сиңирген ишмер, академик Абдырахман Мавлянов учурда ардактуу эс алууда, Бишкек шаарында жашайт. Карыса да эли журтум деп жашаган агайыбыз тийген пенсиясын топтоп 50 даана таажывирусунан сактоочу кийим, 20 даана жүздү тосуучу шлем алып пандемия оорусунан сактоодо иштеп жаткан дарыгерлерге деп берип жибериптир. Андан сырткары да тил жана адабият институтунун директору, филология илимдеринин доктору, профессор Абдылдажан Акматалиев менен биргеликте райондун беш мектебине Манас эпосунун үчилтигинин толук томдуктарын, Чыңгыз Айтматовдун томдуктарын жалпы суммасы 200 миң сомдон ашык көркөм адабий чыгармаларды тапшырып кеткен. Бүгүн райондун акиминин орун басары Дамира Абдылдаева жардамды  кабыл алып, аны райондук аймактык ооруканасынын дарыгерлерине тапшырды. Агайыбызга Аксы элинин атынан ыраазычылык билдирди. Чың ден соолук, узун өмүр, бактылуу карылык каалайды. Бул тилектерге биз да кошулуп, агайга чоң рахмат айтабыз.

Абдымомун КАЛБАЕВ, Аксы району