1,264 Бардыгы /

Германия мамлекетинин Мюнхен шаарында окуган кыргыз студенттер каражат чогултуп, Кыргызстандагы муктаж үй-бүлөлөргө жардам көрсөтүшкөн.

Бул тууралуу Кыргызстан Жаштар Федерациясынын (КЖФ) Германиядагы өкүлү Насип Турарбеков билдирди.

Ал жакта окуп жаткан студенттер Кыргызстандагы муктаж үй-бүлөлөргө колдон келген жардамды берели деп чечишкен.

“Азыр орозо айында студенттер колдон келген жардамды берели дедик. Ким канча сумма берсе да жүрөгүнөн чыкканын беришти. Чогулган каражатты КЖФнын Бишкектеги өкүлдөрүнө которуп бердик. Алар Бишкек шаарынын жаңы конушундагы муктаж үй-бүлөлөргө тамак-аш продуктусу жагынан жардам беришти“-дейт Н.Турарбеков

Анын айтымында студенттер 600евро каражат чогултушкан. Аны жаңы конуштардагы муктаж болгон 50 үй-бүлөгө продукт алууга жумшалган.