Аймак

ЭЛ АРАЛЫК БАЛДАРДЫ КОРГОО КҮНҮНӨ КАРАТА “МЭЭРИМ” ТЕЛЕДОЛБООРУНУН КАТЫШУУЧУЛАРЫНА – ПРЕЗИДЕНТТИН АТЫНАН БЕЛЕКТЕР ТАПШЫРЫЛДЫ

ЭЛ АРАЛЫК БАЛДАРДЫ КОРГОО КҮНҮНӨ КАРАТА “МЭЭРИМ” ТЕЛЕДОЛБООРУНУН КАТЫШУУЧУЛАРЫНА – ПРЕЗИДЕНТТИН АТЫНАН БЕЛЕКТЕР ТАПШЫРЫЛДЫ

 970 Бардыгы /

БИШКЕК. Бүгүн, 1-июнь күнү Эл аралык балдарды коргоо күнүнө карата Кыргыз Республикасынын Президенти Сооронбай Жээнбековдун атынан бардык аймактардан Кыргыз Республикасынын Коомдук телерадиоберүү корпорациясынын «Мээрим» теледолбооруна катышкан, ата-энесинен ажыраган жыйырма балага эстеликке белектер тапшырылды. Бул тууралуу Кыргыз Республикасынын Президентинин Аппаратынын маалыматтык саясий бөлүмү маалымдады.

Мамлекет башчысынын атынан ноутбук түрүндөгү белектерди өлкө региондорунун жетекчилери тапшырышты.

«Мээрим» теледолбоорунун дагы беш катышуучусуна белектерди Президент Сооронбай Жээнбеков өзү тапшырат, алар бүгүн Мамлекет башчысы менен жолугушууга чакырылган.

Эске салсак, Кыргыз Республикасынын Президентинин «2020-жылды Аймактарды өнүктүрүү, өлкөнү санариптештирүү жана балдарды колдоо» жылы деп жарыялоо тууралуу Жарлыгы менен жетим балдарды, ата-энелеринин камкордугусуз калган балдарды, оор турмуштук абалда калган жана ден соолугунун мүмкүнчүлүгү чектелген балдарды социалдык жактан коргоо мамлекеттик саясаттын артыкчылыктуу милдети катары аныкталган.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17