1,578 Бардыгы /

БИШКЕК. Кыргыз Республикасынын Президенти Сооронбай Жээнбеков тарабынан Эл аралык балдарды коргоо күнүнө карата Мамлекет башчысынын резервдик фондунан өтө оор турмуштук акыбалга кабылган балдар жана үй-бүлөлөр менен иштеген бир катар коммерциялык эмес бейөкмөт уюмдарга каржылык колдоо көрсөтүү үчүн каражат бөлүндү.

Белгилей кетчү жагдай: Кыргыз Республикасынын Президентинин «2020-жылды Аймактарды өнүктүрүү, өлкөнү санариптештирүү жана балдарды колдоо» жылы деп жарыялоо тууралуу Жарлыгы менен жергиликтүү деңгээлде кепилденген социалдык кызмат көрсөтүүлөрдү сунуштоо системасын кеңейтүү каралган. Ошентип, оор турмуштук абалга кабылган  балдарга билим берүү, социалдык жана реабилитациялык кызмат көрсөткөн ондогон балдар уюмдарынын ар бирине 100 миң сом суммасында колдоо көрсөтүлдү.

«Зордук-зомбулуктан жана ырайымсыз мамиледен жапа чеккен балдарга жардам берүү борбору» мекемеси;

«Балдарды коргоо борбору» коомдук бирикмеси;

«Тянь-Шань балдары» коомдук бирикмеси;

«Благодать» коомдук фонду;

«Жылмаюу» коомдук фонду;

«Эне-бала мээрими» коомдук фонду;

«Теңир Колдо» майып балдардын ата-энелеринин коомдук бирикмеси;

«Ай-Мээри» коомдук бирикмеси;

«Ариет» мектепке чейинки (ден соолугунун мүмкүнчүлүгү чектелген балдар) атайын билим берүү уюму;

 «Стимул» маалыматтык-кеңеш берүү жана демонстрация борбору» коомдук фонду.

Алишер ТОКСОНБАЕВ, өз кабарчыбыз _