2,037 Бардыгы /

Жалал-Абад шаарынын борбордук бөлүгүндөгү Жусупбек Бакиев көчөсүн кеңейтүү иштери башталды.

Жалал-Абад шаардык мэриясынын маалыматына ылайык азыркы учурда жол боюндагы көп жылдык дарак тамырлары алынып, буга чейинки басылган эски асфальт тазаланууда.  Иш ыргагы менен таанышкан калаа башчысы Мураталы Тагаев жол отуз жылдан ашуун аралыкта бир да жолу жетишээрлик деңгээлде оңдоп-түзөөдөн өткөрүлбөгөндүгүн баса белгиледи.

Ага ылайык тийиштүү мекемелерге иштин сапаттуу аткарылышына кылдат көңүл буруу керектигин эскертип, убактылуу тоскоолдук жаралганы менен шаар тургундарынын көп жылдык түйшүгү жеңилдээрин кошумчалады. Жол куруу иштери аяктаган соң анын туурасы 14 метрге чейин кеңейтилмекчи. Ага шаар казынасынан жалпы 47 миллион сом акча каражаты каралган болсо, тендердик наркы 36 миллион 511 миң сом деп бааланган. Жумуш иштерин «Маклер –фетва» жоокерчилиги чектелген коому аткарууда.

Жалал-Абад шаарындагы Жусупбек Бакиев көчөсүнүн узундугу 1100, туурасы 8 метрди түзөт. Кеңейтилип жаткан Жусупбек Бакиев көчөсү шаардын борборундагы Пушкин, Нагима Айтматова, Барпы Сейил жана башка бир канча ири көчөлөр менен кесилишип, анда автоунаа жана жөө жүргүнчүлөрдүн кыймылы токтобойт.

“Аймак”