790 Бардыгы /

ВЕНА. Вена шаарындагы Бириккен Улуттар Уюмунун (UNOV) Бөлүмүнүн Башкы директору жана БУУнун Маңзаттар жана кылмыштуулук боюнча башкармалыгынын (UNODC) Аткаруучу директору Гада Фатхи Валинин катышуусунда Чакан мамлекеттердин Форумунун (FOSS) виртуалдык интерактивдүү диалогу жана брифинги аяктады.

Бул жолугушуу көптөгөн мүчө мамлекеттер үчүн Бириккен Улуттар Уюмунун Бөлүмүнүн жана Башкармалыгынын башчысы Гада Фатхи Вали кызматка дайындалгандан бери биринчи жолу уюштурулду. Г.Вали брифингдин жүрүшүндө Бөлүмдүн жана Башкармалыктын жетекчиси катары акыркы үч айдагы тажрыйбасы, ошондой эле Башкармалыктын максаттары жана артыкчылыктары жөнүндө ой-пикирн бөлүштү.

Өзүнүн кайрылуусунда Кыргыз Республикасынын Вена шаарындагы БУУдагы Туруктуу өкүлү Бакыт Жусупов Кыргызстан менен БУУнун Маңзаттар жана кылмыштуулук боюнча башкармалыгы 15 жылдан ашуун убакыттан бери тыгыз кызматташып келе жаткандыгын, акыркы айларда өнөктөштүк мамилелердин бекемделгенин баса белгиледи. Ошону менен бирге FOSS-платформасынын жайылышынын маанилүүлүгү көп тараптуу платформада кызматташууну кеңейтүүдө кошумча курал болоорун дагы кошумчалады.

Г.Вали пандемиянын социалдык-экономикалык кырдаалга тийгизген таасирин эске алуу менен Борбор Азия чөлкөмүндө Программалык иш-аракеттердин болочогуна өзүнчө токтолуп, алдыдагы циклде Борбор Азиядагы Программалардын Башкармалык үчүн абдан маанилүү экендигине ишендирип, COVID-19 пандемиясынын өнүгүшүндө карата, бир катар иш-чаралардын өткөрүлүшү пландаштырылгандыгын ачыктады.  

Алишер ТОКСОНБАЕВ, өз кабарчы