1,642 Бардыгы /

ОШ. Президент Сооронбай Жээнбеков өлкө аймактарына иш сапарларын дагыле улантууда. Мамлекет башчысы эки күндүк иш сапары менен Ош шаарына жана Араван районуна баш бакты.

Сапарынын соңку күнү Президент Сооронбай Жээнбеков Араван районундагы ирригация түйүндөрүн жакшыртуу жана калкты таза суу менен камсыз кылуу боюнча долбоорлорду ишке ашыруунун жүрүшү менен кенен-чонон таанышты. Долбоорлорду ишке ашыруу 2654 гектар жерде суунун жеткиликтүүлүгүн жакшыртууга, ошондой эле жыл сайын суу жоготууларды азайтууга, Араван районунун Керкидан жана Эсенбай, Ноокат районунун Кур-Таш жана Каримберди айылдарынын үч миңдей жашоочусун таза суу менен камсыз кылууга өбөлгө болот.

Сооронбай Жээнбеков ошондой эле Араван районундагы экспортко багытталган жана түшүм жыйноо мезгилинде миң адамга чейин жумуш менен камсыздай алган ири мөмө-жемиш багын көрүп чыгып, «Холбеков Акбарали» фермердик чарбасынын ишмердиги менен таанышты. Мамлекет башчысы жаратмандык эмгеги үчүн ишкерлерге терең ыраазычылыгын билдирди. Кыргызстан экологиялык таза айыл чарба продукциялары менен тышкы рыноктордо алдыңкы орундарды ээлей алаарын дагы бир жолу баса белгилеп, өлкөнүн экспорттук дараметин көтөрүү үчүн аймактардагы ишкерлерге мындан ары дагы колдоо көрсөтүүнүн өзгөчө маанисине кеңири токтолду.

Президент Сооронбай Жээнбеков иш сапарынын соңунда Араван районунун тургундары менен жеринде баарлашып, аларга аймактарды өнүктүрүүнүн мамлекеттик саясаты, аймактардын кайра иштетүү секторуна, экспорттук потенциалына колдоо көрсөтүү, өлкөнү санариптештирүү, коңшу өлкөлөр менен достук мамилени бекемдөө боюнча чаралар жөнүндө ачык айтып берди.

Алишер ТОКСОНБАЕВ, өз кабарчы ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ǡ��ά��~m�