1,080 Бардыгы /

ЖАЛАЛ-АБАД. Аксы районунда жылдан жылга аарыдан бал өндүрүп алууга өзгөчө көңүл бурулуп келет.

Кыргызстан балчылар ассоциациясынын төрагасы, “Жерге Тал балы” асыл тукум бал чарбасынын башчысы Токторалы Жээнтаев көп жылдардан бери Кыргыз балын дүйнөгө жайылтууда, бал аарыларды сапаттык жактан жакшыртууга күч аракетин жумшап келет. Учурда Германиядан алынып келинген аарынын асыл тукум сортун жайылтып жаткан учуру. Жергиликтүү бал аарылар бир челектен 12-13 килограммдан бал берсе, асыл тукум аарылар бир челегинен 20 килограммга чейин бал берүүгө жөндөмдүү. Кыргызстанда Ысык-Көл менен Ат-Башы жергесинен алынып жаткан ак балга дүйнөдө суроо талап жакшы. Аксы балы да жогорку сапатка чыгыш керек дейт төрага. Учурда “Жерге-Тал” асыл тукум чарбасы дээрлик сапаттуу аарылар менен камсыз болду жана бал алууну кескин түрдө жогорулатууга жетишти. Быйылкы жылда район боюнча 200дон ашык бал аарычылардын аарыларын Германиядан алынып келинген F-1 деген аарылар менен камсыздады. Бул аарынын тукумун жергиликтүү шартта көбөйтүүдө. Он бештен ашык бал челекчилерди окутту. Бул район үчүн чоң жаңылык жана ийгилик болуп калды. Бул ишке эки жарым айдан ашык убактысы кеткен. Учурда бул улантылып жатат. Учурда өзүн 160 челек аарысы менен иштеп жаткан учуру. Алынган балдын сапаты боюнча да жакынкы жылдарда Кыргыз балы дүйнөдө мыкты сапаттагы балдын катарына кошулат жана экспорттоого чыгарыла баштамакчы. Биз балчыларга ийгилик каалайбыз.

Абдымомун КАЛБАЕВ, Аксы району