756 Бардыгы /

Облус аймагындагы 139 стационарларда жалпысынан 2265 керебеттик орундар даярдалды. Аталган борборлор саат 08:00 баштап 20:00 гө чейин иш жүргүзөт.

Стационарларда коюлган керебетке ылайык медицина кызматкерлери дайындалууда. Борборлордо медицина кызматкерлери тобу менен алмашып иштеп жатышат.

Бул тууралуу Жалал-Абаддагы өкмөттүн ыйгарым укуктуу өкүлүнүн орун басары Ырысбек Ызабеков төмөнкүлөрдү билдирди.

“Тогуз-Торо, Токтогул райондору жана Жалал-Абад шаарындагы стационарлар жарандарды көп кабыл алышууда. Жалал-Абад жана Сузак боюнча түнкү стационарларды ачуу боюнча  сунуштарды карап жатабыз. Район-шаарлардын жетекчилери менен тыгыз иштешип, жарандарга түшүндүрүү иштери жүрүүдө”-дейт ал.

Анын айтымында үй-бүлөлүк дарыгерлер топторуна тиешелүү аймакты көзөмөлгө алуу боюнча тапшырмалар берилген. Ал эми облустук штаттык бирдикте 183 медицина кызматкерлери жетишпейт.

Акылай КАРАБАЕВА, “Аймак”