852 Бардыгы /

Өкмөттүн Баткен облусундагы ыйгарым укуктуу өкүлү Алишер Абдрахманов Баткен облусунун кире беришиндеги жана Кызыл-Кыя шаарындагы негизги санитардык карантин бекетин текшерди.Буга улай Өзбекстан Республикасы менен чектеш жайгашкан  Кызыл-Кыя автожол көзөмөлдөп өткөрүү жайынан дагы кабар алды.

Баткен облусунун жетекчиси АлишерАбдрахмановаталган жайда белгиленген тартипте, акыркы кабыл алынган чектөөлөрдү эске алып, күчөтүлгөн тартипте иш алып барууну колго алуу, облуска кирген жана чыккан кыймыл аракеттерди дыкаат көзөмөлгө алуу менен, кандайдыр бир маселелер жаралса, тийиштүү иш аракеттерди ыкчам жүргүзүп, элдин коопсуздугун камсыздоо боюнча жетекчилерге  бир катар тапшырмаларды дагы берди.  Белгилей кетсек, 10-июлдан тарта облустар аралык, 14-июлдан тарта район, шаар аралык коомдук транспорттор жана жеке такси кызматтары токтотулган.

Кыргыз Өкмөтүнүн Баткен облусундагы ыйгарым укуктуу өкүлү Алишер Абдрахманов ушул эле күнү Кызыл-Кыя шаарындагы күндүзгү стационарларды дагы текшерди. Ушул тапта аталган шаарда күндүзгү стационарда 115 орун даярдалып, бейтаптарга туруктуу медициналык кызмат көрсөтүлүүдө. 

Алишер ТОКСОНБАЕВ, кабарчы.