978 Бардыгы /

Ош облустар аралык бириккен клиникалык ооруканасынын директорунун орун басары Темиркан Жарматова СОVID-19 дартынан каза тапты. Маркумду акыркы сапарга өзү эмгектенген медициналык мекеменин короосунан узатышты.

– Темиркан Жарматова Ош облустар аралык бириккен клиникалык ооруканасында 1979-жылдан бери эмгектенип келаткан. Мунун ичинен 40 жылдан ашуун жалаң гана жетекчилик кызматтарды аркалады. Аймакта 2014-жылы анын демилгеси аркасында гепатология бөлүмү ачылып, инфекциялык оорулардын алдын алууга абдан зор салым кошту эле. Не дейли. Өлүм-улук. Жаткан жери жайлуу, топурагы торко болсун, – дешти кесиптештери.

Маркудун сөөгү Ош шаарындагы эле көрүстөндөрдүн бирине коюлду. Артында эки кызы, жети небереси жетим калышты. Ош облустар аралык бириккен клиникалык ооруканасынын директорунун орун басары Темиркан Жарматова 1955-жылы 20-апрелде Чоң-Алай районунун Дароот-Коргон аылында төрөлгөн эле.

Алишер ТОКСОНБАЕВ, кабарчы.