1,176 Бардыгы /

Көк-Жаңгак шаарындагы ооруканага таза суу чыгаруу аракети көрүлүүдө. Буга чейин  оорукана үчүн суу маселеси көйгөй болуп, күнүнө убакыт-сааты менен гана чыгып турган.

Имараттын ичинен түтүктөрү эскиргендигине байланыштуу суу чыкпай, ички суу түтүктөрү да оңдоп-түзөөгө муктаж болгон.

Суу менен үзгүлтүксүз камсыз кылуу үчүн 1 чакырым 700 метр жерден жаңы кабел тартуу үчүн, Өкмөттүн облустагы өкүлчүлүгүнүн фондунан 150 000 бөлүнүп берилди. 
Ал эми имараттын ичиндеги суу түтүктөрүн жана башка ондоп-түзөө жумуштарын жүргүзүү максатында Сузак районунун акими Эрмек Омошев, райондук мамлекеттик админстрациянын эсебинен 150 000 сом бөлсө, Көк-Жаңгактык жеке ишкер Эркин Сарбашов өз эсебинен 200 000 сом бөлдү.

Көк-Жаңгак шаарындагы оорукана коронавирус жана пневмония ооруларын дарылоо үчүн инфекциялык ооруканага айланат.

Акыркы учурда оорулуулардын саны кескин өскөндүктөн, Сузак районуна караштуу Көк-Жаңгак шаарындагы оорукана мындан ары азыркы илдет менен күрөшүп жаткандарды дарылайт. Аталган жайды даярдоо, көйгөлүү маселелерди чечүү үчүн жергиликтүү бийликке облус жетекчиси Нурболот Мирзахмедов тарабынан тапшырма берилген.

Аталган ооруканага зарыл болгон 10 даана кычкылтек концентратор менен Өкмөттүн облустагы өкүлчүлүгү тарабынан камсыздалат.

Акылай КАРАБАЕВА, “Аймак”