765 Бардыгы /

ЖАЛАЛ-АБАД. Аксы районунун чет элдерде иштеп жашап жаткан жаштары алыста жүрсө да жүрөгү мекеним деп согуп жатканын дагы бир ирет көрсөтүштү, жаштарыбыз элибиздин эртеңки тиреги экендигин көрсөтүп, ыктыярчыл жаштарыбыз элибизге чоң медициналык жардам алып келишти.

Азыр дарыланып жаткан мекендештерге аба менен суудай керек болуп жаткан медициналык каражаттарын, дары-дармектерди алып келип тапшырышты. Ыктыярчылар тобунун мүчөлөрү Асел Кубанычбекова менен Адилет Айтикеев чыгып сүйлөшүп Америкада, Францияда, Москвадагы жаштарыбыз “Аксыга жардам” демилгесин чың дилден колдоого алып алды 2400 долларлык салымдарын кошкондугун билдирип, Аксы аймактык ооруканасына 130 коргоочу шит, 50 даана көз айнек, 200 даана респиратор, 60 коргоочу костюм, 1000 даана бет кап,  андан сырткары 4 даана кислордоддук концентратор,  50 миң сомдук дагы бир эң керектүү кислордоддук концентратор, 10 даана пульсоксиметр,  42300 сомдук кислордоддук концентратор, 44 батарейка,  андан сырткары гепарин сыяктуу эң зарыл дары дармектерди алып келип, дарыланып жаткан муктаж адамдары акысыз дарылоо жагын айтышып тапшырышты. Мындай элим журтум деген жаштары бар эл бактылуу, Мекенинде, мекен чегинен сыртта иштеп жүргөн жаштарыбызга аманчылык тилөө менен иштерине ийгилик, үй бүлөлүк бакытты, тилеп кудай оомат берсин деген ак тилегимди билдирип кетмекчимин. Айланайын алтын кыздарыбыз, эр азамат жигиттерибиз бар болгула. Элибиздин тиреги, жаркын келечеги болгула. Өсүп келе жаткан жаштарыбыз нарктуу, барктуу сиздердей элим журтум деп бийик болсун деген ак тилегимди билдирем .

Абдымомун КАЛБАЕВ, журналист, акын -жазуучу