795 Бардыгы /

ОШ. Кыргызстандын Түштүк башкалаасында «Түнкү өспүрүм жана кароосуз калган балдар» аталыштагы рейдинин жүрүшүндң эки бала кармалып, анын бирөө «Боорукердик» балдар үйүнө өткөрүлүп берилди. Бул жөнүндө Ош шаардык ички иштер башкармалыгынын басма сөз катчысы Замирбек Сыдыков билдирди.

«Түнкү өспүрүм жана кароосуз калган балдар» рейдиүстүбүздңгү жылдан 21-июлунан башталып, а түгүл көчөдө жүрүшкөн бардык өспүрүмдөргө эскертүү дагы берилген. 22-июль күнү Ош ШИИБдин Ак-Буура милиция бөлүмчөсүнүн өспүрүмдөр менен иштөө инспекциясынын кызматкерлери тарабынан А.Масалиев проспектиси менен Ж.Раимбеков көчөсүнүн кесилишиндеги унаа жүрүүчү жолдун ортосунда кароосуз калган өспүрүм тилемчилик кылып отурган маалында кармалды. Ал Ош шаардык эмгек жана социалдык өнүгүү башкармалыгынын кызматкерлери менен бирге «Боорукердик» балдар үйүнө тапшырылды. Бала болжол менен 9-10 жашта экен. Балдар үйүнө тапшырылган баланын айтымында, атасы менен апасы ажырашып кеткен. Жанында өздүгүн тастыктаган эч кандай документи жок.

Мындан тышткары Кара-Суу районунда төрөлгөн 11 жаштагы өспүрүм дагы туткундалды. Ал апасы ооруп калгандыктан. дары-дармек сатып алуу максатында тилемчилик кылып жүргөндүгүн жашырган жок. Мындан улам жашы жете элек өспүрүмдөр менен иштөө инспекциясынын кызматкерлери ал бала менен кошо үйүнө дагы чогуу барышты. Аталган рейд ушул тапта дагыле кызуу улантылууда.

Алишер ТОКСОНБАЕВ, кабарчы.