855 Бардыгы /

Аксы районунан Улуу Ата Мекендик согушка 3498 адам кетип, мекенди коргоо катышын, кан жанын аябай салгылашып Улуу Жеңиштин жаралышына салым кошкон болсо, ошол эр азамат жигиттерибизден азыр 3 эле ардагердин көзү тирүү,алар элибиздин туу туткан, кутман карылары болуп олтурушат. Кез кезде набат менен чайымды көтөрүп алып барып баарлашып, олтуруп келем. Алардын бири Авлетим айыл аймагынын Итагар айылынын тургуну Абаз Момунов аксакал. Быйыл 98 жаштын чайын ичип турган чагы. Бир барсам мал сарайдын дубалы көчүп түшүп жараксыз болуп калды балам деп калды. Жогор жактагы чиновниктерге жазып майнап чыгара албай, айыл аймагынын башчысы Нурмырза Абдырамановго айтсам билем аке, ал иш менен кабардармын бүтөт, райондук аскер комиссариатынын комиссары Таалайбек Рыскулов да жардам бере тургандыгын айткан,аларда альтернативдүү кызматтагы жигиттер бар экендигин айткан деди. Ошентип иш башталып, айыл аймагы 60 миң сомго жакын каражат бөлүп, мал сарайдын  курулуш башталган эле. Бүгүн сарайдын үстүнө ылай басып, райондук аскер комиссариатынын алып берген тыникесин жаап жатышат. Дагы эки күндө сарай толук бүтөт дешти мында иштеп жаткандар. Карыя жаштарга, айыл өкмөтүнүн башчысына, райондук аскер комиссариатына ыраазылыктарын айтып кубанычы чексиз. Бул ишке карыянын кыздары да чоң көмөк көрсөтүүдө.

Абдымомун Калбаев, Аксы району.