999 Бардыгы /

БАТКЕН. Ушул жыл бою Баткен облусу боюнча жалпы 18 чакырым жолго асфальт төшөө пландалса, ушул тапта мунун 9,6 чакырымына дээрлик асфальт төшөлүп бүттү.

Бул ички жолдордун курулушу жана реконструкциялоо жумуштары үчүнреспубликалык бюджеттен 65 миллион сом каралган болсо, ушул тапта мунун 42 миллион 500 миң сому өздөштүрүлдү. Белгилей кетчү жагдай: аймактарды өнүктүрүү боюнча  республикалык бюджеттин эсебинен,  райондун борборлорунда жылынаүч чакырымдан аз эмес ички жолдор асфальтталып, дагыле оңдолууда.

Ушул тапта курулушу жана реконструкция  жумуштары аяктаган жолдор: Баткен шаарынын Курманжан Датка көчөсү, Кызыл-Кыя шаарынын  Маековская, Масалиев көчөлөрү, Баткен районунда Сох-Газ автожолу, Исфана шаарында Андарак-Көк-Таш, Гордой-Кекире жолдору, Айдаркен шаарында Кыргызстан-Асаева, Сүлүктү шаарындагы  Бакыбек атындагы көчө, Лейлек районунда Самат-Замборуч-Жаркыштак жолу, Кадамжай районунда Металлург-Северная, Кыргыз-Кыштак айылыныда жана Халмион-Таш –Дөбө жолдору дээрлик заманбап оңдолду.

Алишер ТОКСОНБАЕВ, өз кабарчы